በሰንበት ትምህርት ቤታችን ሃይማኖት ከምግባር አጣምረው የያዙ አባላትን ማፍራት የኢትዮጵያ ኦርቶዶክስ ተዋሕዶ ቤተክርስቲያን ሥርዓት ተጠብቆ ሳይበረዝ እና ሳይለወጥ ከትውልድ ወደ ትውልድ እንዲተላለፍ ማድረግ፡፡ ሕፃናት እንዲሁም ወጣቶች በሰ/ት/ቤቱ ተደራጅተው እየተማሩ የቤተክርስቲያንንም ሆነ የሀገርን ታሪክ በሚገባ አውቀው በነገረ-መለኮት እና ሃይማኖታዊ ትምህርት ብስለት እንዲያገኙ የነገዋን ቤተክርስቲያንና ሀገርን በኃላፊነት ለመረከብ ብቁዎች እንዲሆኑ ማድረግ ሕፃናትና ወጣቶች የቤተክርስቲያንን ሕግና ሥርዓት (ቃለ እግዚአብሔር) ተምረው ወላጆቻቸውን እና ታላላቆቻቸውን አክባሪዎች እንዲሆኑ፤ በአጠቃላይ በሃይማኖት እና በሥነ-ምግባር ታንጸው እንዲያድጉና ለሀገርና ለወገን መልካም ዜጎች እንዲሆኑ ማድረግ ሕፃናትና ወጣቶች ወደ ቤተ-እግዚአብሔር እንዲመጡና በጉብዝናቸው ወራት ፈጣሪያቸውን እንዲያስቡ በቅዱሳት መጻሕፍት የታዘዘውን ለመፈጸም እንዲችሉ ማድረግ የሰ/ት/ቤቱ አባላት ያላቸውን ሙያ፤ ዕውቀት፤ ገንዘብና ጉልበት ለቤተክርስቲያኒቱ እንዲያበረክቱ ማድረግ ነው፡፡  

መንፈሳዊነት፣ አንድነት፣ መደጋገፍ ፣ ቀጣይነት፣ አገልጋይነት ክርስቲያናዊ ኃላፊነት፣ ጽናትና ምስክርነት በፍቅር የተሞላ አገልግሎት